Fillimisht në këtë incenerator kanë mbërritur deputetët e mazhorancës dhe pak më vonë u bashkuan edhe ata të PD-së. Ky impianti i përpunimit të mbetjeve në Elbasan është i pari i këtij lloji që u ndërtua në Shqipëri me ardhjen në pushtet të së majtës në 2013.

Edhe Deputetët e Partisë Demokratike Luçiano Boçi e Lefter Geshtenja kanë inspektuar të gjitha ambientet e brendshme të Inceneratorit. Gjatë fjalës së saj zëvendëskryetarja e Komisionit, Ermonela Felaj theksoi se ky objekt është vënë në funksion para disa vitesh. Gazetari Fatmir Popja raporton për BalkanWeb se pasi deputeti i PD-së, Boçi ka debatuar me Felajn, ai është ‘kapur’ edhe me administratorin e Inceniratorit për çështjen e energjisë.

Aktualisht Inceneratori i Elbasanit vijon punën, ndonëse është vënë nën sekuestro nga Prokuroria e Posaçme kundër Krimit dhe Korrupsionit (SPAK). Ky komision më 11 shkurt do inspektojë inceneratorin e Tiranës. Ndërkohë nga datat 21 shkurt deri më 23 shkurt do të thirren dëshmitarët për të dëshmuar në këtë komision.

PJESË NGA DEBATI:
Luçiano Boçi: A jemi edhe ne pjesë e komisionit?

Ermonela Felaj: Ju pritëm

Luçiano Boçi: Tani ka ardhur PS të inspektojë inceneratorin apo çfarë? Vazhdoni me këtë arrogancë.

Ermonela Felaj: Ka edhe një faktor kohë dhe kjo që thua ti nuk ka kuptim.

Ndërhyn inxhinieri

Luçiano Boçi: Po prit e çun iher të sqarojmë pozicionet njeherë.

Ermonela Felaj: Po ne kemi një agjendë këtu dhe do ndjekim atë.

Luçiano Boçi: Duhej të vinim bashkë këtu.

Anila Denaj: Nuk kemi ardhur për debat këtu, se debatin e bëmë atje.

Luçiano Boçi: Vazhdoni bëjeni reklamën ju, hajde Lefter flasim dhe në për ça gjëra…

(BalkanWeb)