Koordinatori amerikan Kundër Korrupsionit Global, Richard Nephew, do të udhëtojë në Malin e Zi, Lituani dhe Shqipëri në datat 16-21 qershor, njoftoi Departamenti i Shtetit.
Vizita e tij do të nënvizojë angazhimin e vazhdueshëm të SHBA-së për të luftuar korrupsionin në Ballkanin Perëndimor, për të forcuar sundimin e ligjit dhe për të adresuar sfidat e vazhdueshme të përbashkëta.
Më 16-17 qershor, Koordinatori Nephew do të vizitojë Podgoricën, Malin e Zi për t’u takuar me zyrtarë qeveritarë dhe përfaqësues të shoqërisë civile.
Ai do të diskutojnë përpjekjet e Malit të Zi kundër korrupsionit, do të kërkojë të identifikojnë fushat për bashkëpunim të mëtejshëm dhe do të theksojë mbështetjen e SHBA-së për përpjekjet e vazhdueshme për të luftuar korrupsionin.
Koordinatori Nephew do të udhëtojë më pas në Vilnius të Lituanisë në datat 18-19 qershor, ku do t’i bashkohet seancës hapëse të Konferencës Ndërkombëtare Kundër Korrupsionit, si dhe sesioneve të tjera zyrtare. Ai do të takohet gjithashtu me partnerë të ndryshëm të qeverisë dhe shoqërisë civile.
Më 20 qershor, Koordinatori Nephew do të vizitojë Tiranën, Shqipëri, ku do të takohet me përfaqësues të qeverisë dhe shoqërisë civile. Ai do të diskutojë për punën që po bëhet në luftën kundër korrupsionit dhe fushat për bashkëpunim të mëtejshëm në përpjekjet kundër korrupsionit.
