KORÇË

Policia e Korçës ka proceduar penalisht organizatorët e protestës.  Hetimi ka nisur ndaj përgjegjësve, të cilat bllokuan dje pasdite aksin rrugor Korçë-Pogradec.

Sipas Policisë, tubimi i djeshëm i studentëve ka qenë i paligjshëm dhe jashtë normave ligjore. Lajmi konfirmohet  për “BalkanWeb” nga zyra e shtypit pranë Drejtorisë Vendore te Policisë së Korçës.

Një nga burimet tha se tubimi ka qenë i paligjshëm pasi organizatorët nuk kishin marrë leje pranë organeve të policisë lokale.

Për më shumë se një orë, fermerë por edhe militantë e anëtarë të PD e LSI kanë bllokuar aksin nacional duke shkaktuar pengimin e qarkullimit normal të mjeteve. Zyra e Shtypit thotë gjithashtu se deri në këto momente nuk ka asnjë të shoqëruar në polici.

(n.m/BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: