KORÇË
Protesta e studentëve vijon edhe në qytetin juglindor të Korçës, të cilët kërkojnë përgjysmimin e tarifave të shkollimit.
Përmes një marshimi, ata janë nisur drejt qendrës së qytetit duke kërkuar me ngulm ndaj autoriteteve përmirësimin e kushteve.
Krahas Korçës, protesta vijon në Tiranë, Elbasan, ndërsa studentët e Durrësit dhe të Universitetit Bujqësor janë nisur drejt Tiranës për të marrë pjesë në protestën e organizuar.
Me pankarta në duar dhe me mbishkrimet “Kundër Provimeve me Konçesione si dhe “Viti 1990 po kthehet”, studentët e Universitetit të Korçës, “Fan Noli” kanë mbushur rrugët në qytetin juglindor.
(n.m/BalkanWeb)