KORE-Disa shërbime të Internetit në Korenë Veriore janë ripërtrirë, pas mbylljes së plotë, që ndodhi në periudhën e mospajtimeve për sigurinë kibernetike me Shtetet e Bashkuara.

Firma për sigurinë në Internet, Dyn Research, tha se shërbimet pjesërisht ishin ripërtrirë sot, pas më tepër se 9 orë të shkatërrimit.

Analistët thanë se problemet teknike ose sulmet kibernetike mund të fajësohen për këtë shkatërrim, që po ndodhë pasi Uashingtoni e ka akuzuar Phenianin, javën e kaluar, se ka dorë në sulmin kibernetik kundër kompanisë Sony Pictures.

Koreja Veriore, që i ka hedhur poshtë akuzat se është përgjegjëse për këtë sulm, e kishte kritikuar për muaj të tërë filmin e kompanisë Sony, The Interview, që në mënyrë satirike e imagjinon vrasjen e liderit të Koresë Veriore.

Përfundimisht, Sony Pictures e anuloi filmin, ndërsa presidenti amerikan, Barack Obama, pat premtuar përgjigje “proporcionale”.

(d.b/BalkanWeb)