Koreja e Veriut njoftoi se ka zhvilluar një stërvitje “shumë të rëndësishme” në fushën e testimeve në pjesën bregdetare në perëndim të vendit.

Agjencia Qendrore e Lajmeve e Koresë së Veriut (KCNA), njoftoi kryerjen një “stërvitjeje shumë të rëndësishme” në fushën e diskutueshme për lëshimin e satelitëve, Sohae, për të cilën zyrtarët koreano-veriorë i kanë premtuar SHBA-së se do ta mbyllin.

“Nga stërvitja në fjalë janë arritur rezultate të suksesshme dhe se ky testim do të ndryshojë pozicionin strategjik në të ardhmen e afërt për Korenë e Veriut”, thuhet në deklaratë.

Ndërkohë vihet në dukje se nuk është zbuluar se çfarë lloj municioni është përdorur në stërvitje.

Qeveria e Koresë së Veriut më 3 dhjetor tha se do t’i dërgojë SHBA-së një “dhuratë për krishtlindje” ndërsa përmbajtja e dhuratës varet nga bisedimet të cilat i zhvillojnë dy vendet.

Në samitin dypalësh që presidenti amerikan, Donald Trump zhvilloi me liderin e Koresë së Veriut, Kim Jong-un këtë vit në kryeqytetin vietnamez Hanoi, Kim Jong-un premtoi mbylljen e fushës së diskutueshme Sohae për lëshimin e satelitëve.//AA