Rusia ka dhënë vlerësimin më të zymtë deri më tani të pushtimit të saj në Ukrainë, duke përshkruar “tragjedinë” e humbjeve në rritje të trupave.

Moska e ka pranuar më parë se sulmi i saj nuk ka përparuar aq shpejt sa donte, por të enjten zëdhënësi i Kremlinit Dmitry Peskov u ankua për numrin në rritje të vdekjeve.

Në një intervistë me Sky News, Peskov u pyet nëse lufta ishte një poshtërim për Rusinë duke pasur parasysh numrin e trupave të humbura.

Peskov u përgjigj:
“Kemi humbje të konsiderueshme të trupave. Dhe kjo është një tragjedi e madhe për ne”.

Ai nuk ka specifikuar numrin e viktimave. Në fund të marsit, Rusia tha se kishte humbur 1,351 ushtarë, me 3,825 të tjerë të plagosur. Në të kundërt, një zyrtar i lartë i NATO-s vlerësoi në fund të marsit se midis 7,000 dhe 15,000 ushtarë rusë ishin vrarë në katër javë luftime në Ukrainë.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: