Ndryshe nga kancelari gjerman Olaf Scholz, Rusia nuk sheh asnjë bazë për bisedimet e paqes me Ukrainën tani, tha sot një zyrtar i lartë i Kremlinit.

Dmirty Peskov, zëdhënësi i presidentit rus Vladimir Putin, hodhi poshtë kategorikisht sugjerimin që Scholz bëri gjatë një interviste të dielën se paqja mund t’i japë fund konfliktit.

“Për sa i përket zgjidhjes paqësore të konfliktit në Ukrainë, ende nuk janë shfaqur konturet e prekshme”, tha Peskov në Moskë.

”Rusia ka dëgjuar oferta dhe deklarata për negociata nga liderë të ndryshëm evropianë, por ne nuk po dëgjojmë asgjë nga vendi që drejton këtë proces, që drejton Perëndimin kolektiv”, tha Peskov, duke iu referuar Shteteve të Bashkuara.

Të gjitha kërkesat e Moskës për t’i dhënë fund luftës deri më tani janë zbërthyer në dhënien e territorit nga Ukraina – dhe gjithashtu duke i dhënë Rusisë një kontroll të madh edhe mbi pjesën tjetër të Ukrainës.

Udhëheqësit ukrainas i kanë përjashtuar kategorikisht këto lëshime, duke e cilësuar si kapitullim. Në javët e fundit, presidenti Volodymyr Zelensky ka bërë thirrje për atë që ai e quan një “paqe të drejtë”.