Gjykata Ndërkombëtare Penale (ICC) thotë se ka zëvendësuar një nga gjyqtarët që shqyrtojnë kërkesën për një urdhër-arrest për kryeministrin izraelit Benjamin Netanyahu.

Ky veprim pritet të shkaktojë vonesa më të mëdha në proces.

Në maj, prokurorët kërkuan urdhra arresti për Netanyahun, ministrin e tij të Mbrojtjes Yoav Gallant dhe tre liderë të Hamasit, duke thënë se kishte dyshime të arsyeshme që kryen krime lufte dhe krime kundër njerëzimit.

Gjykata nuk ka afate të përcaktuara, por përgjithësisht i janë dashur rreth tre muaj për të vendosur mbi kërkesat për urdhër-arreste në rastet e mëparshme.

Vendimi është vonuar tashmë nga disa raunde dosjesh ligjore nga Izraeli që sfidonin juridiksionin e gjykatës.