Joshua Zirkzee-Man.United po shkojnë drejt divorcin, kjo u pa qartë edhe në ndeshjen e fundit kundër Newcastle, kur trajneri Amorim e zëvendësoi që në minutën e 33-të. Holandezi përfaqëson tani një okazion për shumë klube të mëdha në Evropë, por sigurisht “djajtë e kuq” nuk kanë ndërmend ta lëshojnë falas.

Në këtë pikë në skenë del fuqishëm Juventus, me “Zonjën e Vjetër” që e ka kthyer në prioritet absolut për këtë merkato janari. Thiago Motta është një admirues i madh i holandezi pasi të dy te Bologna shkruan historinë e këtij klubi.

Motta ka shtyrë drejtuesit e Juves që të futen në bisedime me Man.United për të gjetur një akord. Sipas mediave italiane, torinezët janë të gatshëm të paraqesin një ofertë zyrtare, por vetëm në formë huazimi me të drejtë blerje, ndërsa United kërkon huazim me detyrim blerje në fund të këtij sezoni.

(BalkanWeb)