TIRANË
Kryeministri Edi Rama ka reaguar me një postim në “Twitter” pas kritikave për publikimin e imazhit të prindërve të së miture së abuzuar në Kavajë. Rama i quan lehje deklaratat nga opozita pas reagimit të tij të vetëm për ngjarjen në Kavajë ku nxori me zë e figurë prindërit e së miturës
POSTIMI I RAMËS
Po tani çfarë keni që lehni apo jua kemi fajin ne pse njerëzit besojnë tek ne e jo tek ju, hiena të politikës e të medias? Po mos të ishin vrasësit, përdhunuesit, grabitësit, krimet e fatkeqësitë, ju s’do ekzistonit, se s’keni hiç tjetër për t’u dhënë njerëzve veç helmit e vrerit?
Ndërkohë Partia Demokratike nëpërmjet deputetes Albana Vokshi i ka kërkuar kryeministrit Rama të shkarkojë ministren Spiropali dhe të fshijë videon. LSI e quajti të paligjshme videon e prindërve dhe kërkoi reagimin e shoqërisë.
Videoja e prindërve të së miturës ishte jo pak e befasishme pasi vetë përfaqësues të maxhorancës kishin kërkuar që kjo çështje të mos politizohej dhe babai i vajzës apeloi që të mos flitej më për rastin e rëndë.
(m.k/BalkanWeb)
