TIRANE
Kryetarja e LSI-së Monika Kryemadhi dhe zv.ambasadorja e SHBA-ve, Leyla Moses-One kanë festuar sot ditëlindjen. Kryemadhi dhe E Ngarkuara me Punë e Shteteve të Bashkuara të Amerikës, kanë lindur në të njëjtën ditë, më 9 prill 1974, ndërsa sot festuan plot 45-vjetorin e lindjes.
Pas takimi të zhvilluar në selinë e Lëvizjes Socialistes për Integrim, Moses është surprizuar me një tufë lule, të cilën ja ka dhuruar Kryemadhi me rastin e ditëlindjes.
Ndërkohë, vetë Kryemadhi në ditën e ditëlindjes është surprizuar me një tortë nga të rinjtë e Lëvizjes Rinore për Integrim.
Një tortë e cila tregon flamurin e Bashkimit Europian në brendësi të të cilit ngrihet një shtëpi me ngjyrën e kuqe të flamurit kombëtar dhe mbi të cilën qëndron shqiponja e zezë dykrenare.
Mbishkrimi ‘Me ty do ta bëjmë Shqipërinë shtëpinë tonë’ shpreh besimin e të rinjve të LSI tek Kryemadhi dhe dëshirën e tyre për ta bërë vendin tonë, Shqipërinë shtëpinë e të gjithë shqiptarëve brenda familjes së madhe të Bashkimit Europian.
(BalkanWeb)