Kryetarja e LSI-së Monika Kryemadhi kërkon shpalljen e gjendjes së fatkeqësisë natyrore edhe për qarkun e Lezhës. Ndonëse Laçi e Lezha janë të prekura nga tërmeti i 26 nëntorit dhe shumë pallate e banesa janë bërë të pabanueshme, gjendja e jashtëzakonshme është shpallur vetëm për Tiranën e Durrësit.
Kryemadhi shkruan se shpallja e kësaj gjendje edhe për Lezhën është detyrim.
“Shpallja e gjendjes së fatkeqësisë natyrore edhe për qarkun e Lezhës është detyrim”, shkruan Kryemadhi teksa publikon dhe foto nga banesat e shkatërruar nga tërmeti në qarkun e Lezhës.