Gjatë një takimi të qeverisë, kryeministri armen Nikol Pashinyan zbuloi se një sasi e konsiderueshme armësh ishte zhdukur pas luftës 44-ditore.

Pas luftës 44 ditore kemi një sasi të madhe armësh të munguara dhe këtë temë e kemi diskutuar disa herë. Kjo çështje është diskutuar edhe në Këshillin e Sigurimit”, ka thënë Pashinyan.

Kryeministri ka porositur ministrin e Punëve të Brendshme të rishikojë metodologjinë për kërkimin e armëve dhe municioneve pa leje. “Metodat që kemi përdorur nuk përputhen me sfidat e reja. Me aplikimin e metodave të reja tashmë kemi rezultate të caktuara, ndonëse të vogla. Me këtë metodë mund të zbulojmë armë dhe municione ilegale”, theksoi ai.

Pashinyan tërhoqi vëmendjen edhe për rritjen e numrit të armëve legale në vend. Ai theksoi nevojën për të kuptuar se sa është e pranueshme blerja e armëve nga këndvështrimi i formimit të një shoqërie tolerante dhe drejtimi në të cilin duhet të ecim përpara në këtë çështje.

(A.A/BalkanWeb)