Një elektriçist është aksidetuar sot në Nën/Stacionin elektrik në qytetin e Kuçovës,teksa ishte duke punuar.

Mësohet se elktriçisti Viktor Koraqe, ka qenë duke punuar në një shtyllë elektrike dhe ka rënë nga shtylla, pasi i është liruar litari me të cilin ishte lidhur për të punuar.

Pas rënies,58-vjeçari është transportuar drejt Spitali Rajonal Berat, ku po merr mjekim dhe ndodhet jashtë rrezikut për jetën. Burimet spitalore bëjnë me dije se elektriçisti ka pësuar shembje në trup dhe gjendja e tij është e mirë.

Në vendngjarje kanë shkuar efektivë të policisë, që po punojnë për zbardhjen e shkaqeve të kësaj ngjarjeje. Në lidhje me ngjarjen flet roja private e nën/stacionit, i cili i ka dhënë ndihmën e parë pas rënies dhe ka njoftuar policinë.

Njoftimi i policisë:

Kuçovë/Informacion paraprak

Rreth orës 15:00, tek nënstacioni elektrik në Kuçovë, dyshohet se aksidentalisht, duke punuar, është rrëzuar nga shtylla elektriçisti shtetasi V. K., 58 vjeç, i cili është transportuar në spital, ku po merr mjekim.

Grupi hetimor po punon për sqarimin e rrethanave të ngjarjes.