Kumbullat njihen si multivitamina natyrale dhe edhe pse ndoshta nuk i konsumojmë aq shpesh sa duhet. Ka disa arsye pse duhet t’i konsumojmë më tepër.

Kumbullat përmbajnë më tepër se 80 lëndë ushqyese. Kumbullat (të freskëta dhe të thara) ndihmojnë për të përthithur më mirë hekurin në trup, për shkak se ato janë një burim i mirë i vitaminës C.

Një kumbull përmban 84 % ujë, 0.6% proteina, 10% karbohidrate dhe 2.1 g fibra dietetike. Përveç kësaj, kumbullat kanë nivel të ulët të yndyrave dhe kalorive dhe përqindje të lartë të vitaminave A, C dhe E, kalcium, magnez dhe kalium.

Ja disa nga përfitimet që organizmi merr nëse konsumoni vetëm 5 kumbulla në ditë:

1. Nivel të ulët të sheqerit në gjak
Kumbullat kanë indeks të ulët glicemik, që do të thotë se mund t’iu ndihmojnë të kontrolloni nivelin e sheqerit në gjak dhe të zvogëloni rrezikun për të zhvilluar diabet të tipit 2.

2. Përmirësojnë kujtesën
Nëse konsumoni pesë kumbulla në ditë do ta ndihmoni organizmin për të liruar veten nga efektet negative të radikaleve të lira, të cilat ndikojnë keq në ruajtjen e kujtesës tuaj. Kumbullat janë plot me antioksidantë që ngadalësojnë zhvillimin e sëmundjes Alzheimer (sipas hulumtimeve shëndetësore nga Universiteti i Harvardit). Ato gjithashtu përmbajnë antocianin dhe kuercetin, të dobishme për parandalimin e ndarjes së qelizave të trurit.

3. Mbrojnë zemrën
Një kumbull e freskët përmban 113 mg kalium, i cili ndihmon për të kontrolluar tensionin e lartë të gjakut dhe zvogëlon rrezikun e goditjes në tru dhe në zemër.

4. Përmirësojnë dhe mbrojnë sistemin e tretjes
Kumbullat lehtësojnë kapsllëkun dhe ndihmojnë në problemet me tretjen e ushqimit. Ato janë të mbushura me fibra dietetike, sorbitol dhe isatin. Kumbullat e thata janë të mrekullueshme për të përshpejtuar tretjen. Një tjetër mënyrë për të konsumuar kumbulla gjatë gjithë vitit është që t’i zhysni ato në ujë të zier, t’i lini të ftohen pak dhe pastaj t’i ngrini.

5. Forcojnë kockat
Studiues nga universitetet e shtetit të Florida-s dhe Oklahoma-s kanë shqyrtuar për 12 muaj 2 grupe grash në periudhën e pas menopauzës. Një grup konsumoi 100 g kumbulla të thara në ditë dhe grupi tjetër konsumoi 100 g mollë të thata në ditë. Të dy grupet konsumuan suplemente të kalciumit dhe vitaminës D. Grupi që konsumoi kumbulla të thata kishte dendësi më të lartë të kockave në shpinë dhe parakrahë.

6. Përmirësojnë shëndetin e syve
Kumbullat janë shumë të rëndësishme për shëndetin e syrit. Fitonutrientët që përmbajnë kumbullat mund të ulin rrezikun e zhvillimit të degjenerimit makular ose pikat e verdha, çrregullim shëndetësor që zakonisht prek njerëzit e moshuar.

7. Mbrojnë kundër kancerit dhe dëmtimit të qelizave
Kumbullat kanë aftësinë për të eliminuar nga organizmi radikalet e lira të dëmshme në sajë të antocianineve (pigmenti i kuq në blu në disa kumbulla).

8. Të ulëta në kalori
Një kumbull e vogël përmban vetëm 30 kalori, kështu që kumbulla mund të jetë një ushqim i shpejtë shumë i mirë nëse mbani dietë.

9. Kumbullat shkatërrojnë qelizat e kancerit të gjirit
Ekstraktet e kumbullës mund të vrasin qelizat agresive të kancerit të gjirit, ndërkohë që qelizat e shëndetshme përreth tyre nuk dëmtohen nga trajtimi. (shije)
(er.nu/BalkanWeb)