NGA ZONJA VJOLLCA

1 kungull i njomë

1-2 kokrra vezë

30 gr djathë parmixhano

1 kokërr qepë

1 thelpi hudhër

1 lugë çaji trumzë

4 lugë gjelle vaj ulliri

2 kokrra domate

320 gr makarona

Kripë

Piper i zi

2 lugë gjelle pesto

Fillimisht pastrojmë dhe presim në feta rrumbullake kungullin. Në një tas rrahim vezën, shtojmë në të djathin parmixhano dhe e trazojmë mirë. Nxehim tiganin, shtojmë në të 1 e ½ lugë gjelle vaj ulliri dhe pasi i lyejmë fetët e kungullit me vezë i skuqim pak derisa të zverdhen nga të dyja anët. Në një tigan tjetër përgatisim salcën duke vendosur 3 lugë gjelle vaj ulliri dhe një thelpi hudhër të plotë. Sapo vaji të ngrohet shtojmë qepën të grirë hollë, e kaurdisim dhe më pas shtojmë domatet të prera në kubikë (pa fara, vetëm pjesën e tultë) dhe trumzën e grirë hollë. Paralel me salcën vendosim makaronat të ziejnë. Më pas e servirim gatimin duke vendosur në qendër të pjatës makaronat të rrethuara me fetat e kungujve të skuqur. Mbi makarona shtojmë salcën e përgatitur pasi kemi larguar më parë hudhrën. E zbukurojmë në qendër me pak rukola dhe në fund spërkasim kungujt me 2 lugë gjelle pesto.

(d.b/BalkanWeb)