Vdekja e vjehrrës ka futur në një përleshje të armatosur dy kunetër. Arsyeja? Kush prej tyre do të paguante për funeralin. Dy protagonistët e sherrit kanë përdorur thikat dhe shkopat e bejsbollit, vetëm 1 orë pas vdekjes së vjehrrës.

Episodi ndodhi në Parabita, një qytet i vogël në provincën e Leçes, ku dy burrat, ndoshta me inate të akumuluara nga e shkuara, u gjendën ballë për ballë në një debat të furishëm.

Britmat, kërcënimet tërhoqën shpejt vëmendjen e kalimtarëve, të cilët e shikonin të habitur skenën, duke pasur frikë nga më e keqja. Ishte vetëm ndërhyrja në kohë e karabinierëve që evitoi rrezikun e degjenerimit të situatës në një tragjedi, duke rivendosur qetësinë.

Vdekja e vjehrrës së moshuar bëri që konfliktet e vjetra të shpërthejnë: në fakt ajo që e rindezi situatën ishte diskutimi se kush duhet të paguante shpenzimet e varrimit.

Karabinierët e Casaranos mbërritën me shpejtësi në vendngjarje, duke arritur të ndanin dy kunetërit përpara se përplasja të shkaktonte, ndoshta edhe viktima.

Policia ngriti akuzat për armëmbajtje pa leje për dy 54-vjeçarët kunetër.