Spiuni i supozuar kinez që u afrua me Princin Andrew si një mënyrë për të hyrë në institucionin e Mbretërisë së Bashkuar është quajtur Yang Tengbo, një biznesmen i njohur gjithashtu si Chris Yang.

Yang, identiteti i të cilit mbrohej më parë me një urdhër nga gjykata, tashmë është identifikuar dhe gjykata hoqi masën e ndalimit të publikimit të të dhënave mbi të.

Yang, 50 vjeç, ish-kryetar i Hampton Group, kishte qenë në Mbretërinë e Bashkuar për gati dy dekada. Ai u ndalua për herë të parë nga shërbimet kundër terrorizmit në vitin 2021 dhe u urdhërua të dorëzonte pajisjet e tij. Dokumentet e gjykatës thanë se Yang kishte ndarë kohën e tij midis Kinës dhe Mbretërisë së Bashkuar dhe u tha zyrtarëve se e konsideronte Mbretërinë e Bashkuar shtëpinë e tij të dytë.

Në shkurt të vitit 2023, Yang u “zbrit” nga një fluturim nga Pekini në Londër dhe iu tha se Sekretari i Brendshëm ishte në proces të shqyrtimit të çështjes për ta shpallur atë “non grata” në Mbretërinë e Bashkuar. Ankesa e tij kundër vendimit u refuzua javën e kaluar nga gjykata speciale e apelit të imigracionit (Siac).

Biznesmeni kishte vizituar rregullisht Mbretërinë e Bashkuar, duke marrë pjesë në disa evente të organizuara në rezidencat mbretërore, duke përfshirë edhe festën e ditëlindjes së Andrew në shtëpinë e tij. Yang dyshohet se i lidhur me departamentin e punës së bashkuar të Kinës, i cili kërkon të mbledhë informacione mbi shtetasit me ndikim jashtë shtetit.

Në një deklaratë të premten, zyra e Andrew tha se ai kishte ndërprerë çdo kontakt me biznesmenin kinez, të cilin ai e kishte takuar përmes “kanaleve zyrtare” pa “diskutuar asnjëherë ndonjë çështje të ndjeshme”.

Sipas dokumenteve të gjykatës, biznesmeni ishte aq i afërt me Dukën e Jorkut sa ishte i autorizuar të vepronte në emër të tij në një nismë financiare ndërkombëtare me partnerë dhe investitorë të mundshëm në Kinë.

Kur telefoni i biznesmenit u kontrollua, zyrtarët zbuluan një letër nga Marsi 2020 nga Dominic Hampshire, një këshilltar i lartë i Princit Andrew, i cili i referohej atij se ishte i ftuar në festën e ditëlindjes së dukës.

Në telefonin e biznesmenit u gjet gjithashtu një dokument që kishte “pikat kryesore të bisedës” për një telefonatë me dukën.