TIRANE

Për herë të parë vendi jonë do të konkurrojë në eventin e njohur në Festivalin e Filmit në Kanë ku do të garojë në kategorinë e filmave me metrazh të shkurtër.

“The Van” është bashkëprodhimi shqiptaro-francez me regji të Erenik Beqirit, në të cilin intrepretojnë Arben Bajraktari, Afrim Muçaj dhe aktori francez 27 vjeçar, Phénix Brossard.

Untitled 4
Untitled 4

Për këtë emocion të përzgjedhjes zyrtare të këtij filmi është shprehur edhe njëri nga aktorët kryesor të tij, i cili tha se: “Fillimisht dua të theksoj që jam shumë i lumtur që jemi pjesë e Festivalit prestigjioz të Kanës. Është gjëja më e mirë që mund t’i ndodh një aktori. Falënderoj regjisorin që më dha mundësinë të jem ndër rolet kryesore në këtë film dhe puna jonë të prezantohet në këtë festival të madh”, ka thënë Afrim Muçaj.

Ndërkohë regjisori i filmit, Erenik Beqiri, një artist i ri në moshë nisi të shkruante skenare e të drejtonte shesh xhirime që në kohën e studimeve, kur edhe bashkëpunoi në tre filma, të gjithë të metrazhit të shkurtër: “Alfonso”, “Bon Appetit” dhe “The Van”, dy të parët thuajse me vetë-financim. Për “Bon Appetit” është nderuar me dy çmime në festivale, në vitet 2017 dhe 2018.
(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb