Gjykata e Apelit për Krime të Rënda ka lënë në fuqi masën e sigurisë “arrest me burg” për oficerin e e sigurisë në portin e Durrësit, Ardian Begën.


Bega dyshohet për përfshirje në trafikimin e 137 kg kokaine nga Ekudadori në Shqipëri por në portin e Pireut në Greqi droga u zëvendësua me oriz.


Me sinjalizimin e DEA-s amerikane, autoritetet greke zbuluan në Portin e Pireut një sasi prej 137 kilogramë kokainë, sasi kjo që vinte nga Ekuadori me destinacion final Shqipërinë. Droga ishte fshehur në motorët e frigoriferëve në katër kontenierë me banane, të porositura nga një kompani shqiptare, e cila operon në treg nga viti 2011.


Pas zbulimit, autoritetet e vendit fqinj informuan policinë, ndërsa një grup hetimor udhëtoi me urgjencë për në Greqi. Në portin e Pireut, ku kontenierët kaluan tranzit, autoritetet vendosën ta zëvendësonin drogën me oriz. Gjithashtu brenda pakove të drogës u vendosn edhe GPS.

(n.m/BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: