TIRANE– Një 70-vjeçar, shofer taksie ka mbetur i plagosur mbrëmjen e sotme në Himarë. Ngjarja ka ndodhur në aksin rrugor Himarë-Llogara, në fshatin Palasë.

Mësohet se shtetasi B.G., është qëlluar me armë zjarri në krahë nga dy shtetas, të tjerë të cilët ishin pasagjer në mjetin e tij.

NJOFTIMI I POLICISE
Më datë 19.12.2017, Salla Operative Himarë është njoftuar nga një telefonatë se në aksin rrugor Himarë – Llogara, në fshatin Palasë është plagosur me armë zjarri një shtetas.

Shërbimet e Policisë shkuan menjëherë pranë vendit të ngjarjes dhe kanë konstatuar se në fshatin Palasë shtetasi B.G., 70 vjeç, (shofer taxie), është qëlluar me armë zjarri dhe ka mbetur i plagosur në krahë prej dy shtetasve të tjerë të cilët ishin pasagjer.

Shtetasi B.G., është transportuar në Spital për të marrë mjekimin e nevojshëm, aktualisht jashtë rrezikut për jetën. Policia ka ngritur pika të shumta kontrolli me qëllim kapjen e autorëve. Grupi hetimor po punon për zbardhjen e plotë të rrethanave të ngjarjes.
(ed.me/BalkanWeb)