KPK ka konfirmuar në detyrë Flamur Kapllanin, kryetarin e Gjykatës së Tiranës. Lajmi konfirmohet për BalkanWeb nga gazetarja Klodiana Lala.

Flamur Kapllani e ka nisur karrierën në sistemin e drejtësisë në vitin 2000 fillimisht si gjyqtar në Mirditë dhe më pas në 2007-ën u transferua në Gjykatën e Rrethit Gjyqësor Kukës.

Në vitin 2010, Kapllani u zgjodh anëtar i Këshillit të Lartë të Drejtësisë dhe prej asaj kohe punon pranë Gjykatës së Tiranës, ku së fundmi mban edhe pozicionin e drejtuesit.
(BalkanWeb)