SHKODËR- Një persona ka përfunduar në pranga të policisë së Shkodrës. Pas kontrolleve të kryera, ka rezultuar se Fatjon Bajami, 39 vjeç, banues në Shkodër mbante dhe posedonte armë pa leje.
Policia e qytetit verior ka nisur aksione të befasishme në të gjithë qytetin me qëllim identifikimin dhe kapjen e personave, që janë të skeduar si të rrezikshëm për rendin dhe sigurinë publike.
“Kontrolle të befasishme në lokale, ambiente dhe në akset rrugore.Kontrollet për kapjen e personave që qarkullojnë me armë pa leje dhe atyre në kërkim.Kontrollet nga Strukturat e Drejtorisë Vendore të Policisë Shkodër, Forca e Posaçme “Shqiponjat”, efektivët e Komisariatit të Policisë së Shkodrës.
Gjatë kontrolleve, Policia arreston në flagrancë një 39 – vjeçar, i cili mbante pa leje një armë zjarri pistoletë. Në vijim të punës për kapjen e personave në kërkim dhe të atyre që qarkullojnë me armë pa leje, nga strukturat e Forcës së Posaçme “Shqiponjat” në DVP Shkodër, në bashkëpunim me Forcën Operacionale në DVP Shkodër, si dhe shërbimet e Komisariatit të Policisë së Shkodrës, u kap dhe u arrestua në flagrancë shtetasi: Fatjon Bajami, 39 vjeç, banues në Shkodër
Arrestimi i tij u bë pasi gjatë kontrolleve të befasishme në një lokal, këtij shtetasi iu gjet një armë zjarri pistoletë tip “Zastava” me krehër me 6 fishekë dhe një fishek në fole. Dyshohet se shtetasi Fatjon Bajami ka qëlluar me armë zjarri në ajër, në lagjen “Perash” Shkodër. Materialet në ngarkim të këtij shtetasi, iu referuan Prokurorisë së Rrethit Gjyqësor Shkodër, për veprën penale “Mbajtja pa leje dhe prodhimi i armëve, armëve shpërthyese dhe i municionit” parashikuar nga neni 278 i Kodit Penal.”, njofton policia.
(n.m/BalkanWeb)
