Ministria e Mbrojtjes njofton se është nxjerrë një tjetër trup i pajetë nga rrënojat e një shtëpie 4-katëshe të shëmbur tashmë, në zonën e ish-Kënetës në Durrës.
MM thotë se trupi i pajetë i nxjerrë sonte nga rrënojat i përket 22-vjeçares Griselda Lala.
Trupi i saj i pajetë u nxor nga rrënojat e banesës 4-katëshe të shembur, e cila ndodhet në lagjen 17 në Durrës. Familja Lala ka humbur shumë anëtarë në këtë tragjedi nga tërmeti 6.4 ballë që tronditi vendin.
Në rrënoja në zonën e ish-Kënetës ndodhen edhe 5 persona të tjerë, të cilët po punohet për t’i nxjerrë. Kujtojmë se deri tani, si pasojë e tërmetit të fuqishëm kanë ndërruar jetë 36 persona, ndërsa 657 janë plagosur.
(d.xh/Balkanweb)