BORSH
Një skaf është përfshirë nga flakët pak çaste më parë në ujërat e Borshit. Ende nuk dihen shkaqet e këtij zjarri, ndërsa kanë nisur hetimet për zbardhjen e plotë të ngjarjes.
Gazetarja Shpresa Dine, referuar burimeve nga vendngjarja raporton për “BalkanWeb” se nuk ka persona të plagosur. Policia dhe grupi hetimor ndodhen në vendin e ngjarjes.
Në pamje duket skafi i përfshirë në flakë, ndërsa kjo ka shkaktuar panik tek qytetarët dhe pushuesit. Ajo që bie në sy dhe që ka marrë vëmendjen e të gjithëve është tentativa e qytetarëve që përpiqen për të fikur flakët.