ELBASAN

Një shpërthim i fuqishëm është regjistruar mesditën e sotme në lagjen “5 maji” të qytetit të Elbasanit.

Paraprakisht mësohet se shpërthimi ka ndodhur në oborrin e një banese në ndërtim, por ende nuk dihen rrethanat apo shkaqet e ngjarjes.

Policia dhe zjarrfikësit kanë mbërritur në vendngjarje dhe po punojnë për shuarjen e flakëve, siç duket edhe në fotot dhe videon e siguruar për “BalkanWeb” nga gazetari Fatmir Popja.

Paraprakisht dyshohet se kanë shpërthyer një sasi municionesh, pasi policia ka gjetur të fshehur në shkurre në oborrin e banesës në fjalë qindra fishekë.

Nga shpërthimi fatmirësisht nuk ka persona të lënduar, por në zonë është krijuar panik, pasi shpërthimi ishte i fuqishëm. Fillimisht u dyshua për vendosje tritoli në ndonjë prej banesave të familjeve që janë në emigrim, por rezultoi që shpërthimi të ketë ndodhur pikërisht në godinën në ndërtim.

NJOFTIMI I POLICISE

Elbasan

Informacion paraprak

Në lagjen “Haxhias”, Elbasan, në një banesë të rrënuar ka rënë zjarr. Nga hetimet paraprake dyshohet se në shkurret rreth banesës kanë qenë të fshehur disa fishekë të vjetër të cilët si pasojë e zjarrit kanë plasur.

Nuk ka asnjë të lënduar, shërbimet e zjarrfikses dhe policise ndodhen në vendgjare.

Po punohet për zbardhjen e shkakut të zjarrit.

(m.a/BalkanWeb)