KORÇË
Disa të shtëna me armë zjarri janë dëgjuar pak çaste më parë në lagjen nr.4 të Korçës.
Nga të dhënat e para fatmirësisht nuk raportohet për të plagosur, ndërsa policia ka zbarkuar me urgjencë në vendin ku u dëgjuan krismat dhe po punon për identifikimin e autorëve.
Persona të paidentifikuar mësohet se kanë qëlluar në drejtim të një makine të parkuar në rrugë dhe më pas janë larguar me shpejtësi duke përfituar nga errësira pasi zona nuk kishte energji elektrike. Mjeti është në pronësi të shtetasit Mateo Aliko, i cili rezulton të ketë një të shkuar me precedentë kriminal. Aliko ka qenë i përfshirë në një grabitje me armë të një pike bixhozi në bashkëpunim me dy shtetas të tjerë.
“Më datë 24.02.2019, rreth orës 21:45, në lagjen nr 4, dyshohet se është qëlluar me armë zjarri në drejtim të mjetit në pronësi të shtetasit M.A. mjet i cili ishte i parkuar në rrugë.Grupi hetimor po punon për zbardhjen e rrethanave të ngjarjes, identifikimin dhe kapjen e autorëve”, njofton policia.
