SHKODËR
Gjykata e Shkodrës ka dhënë vendimin duke i shpallur të pafajshëm Ish-trajnerin e Kombëtares së Femrave Armir Grima, ish-boksierin e Vllaznisë, Nelson Hysa dhe ish-portierin e Vllaznisë B, Fabjol Rexhepi. Këtë persona dyshoheshin si të përfshirë në grupin kriminal “Bajri”, por sot gjykata vendosi përfundimisht në favor të tyre.
Gazetari i “BalkanWeb” , Senad Nikshiqi raporton se Gjykata e Shkallës së Parë në Shkodër ka dhënë pafajësinë për tre të arresturit, ndërkohë që në gusht të këtij vit, çështja u transferua nga Krimet e Renda tek Gjykata e Shkalles së Parë në Shkodër për moskopetencë.
Ky vendim u dha nga gjyqtari Tonin Sterkaj ndërsa prokurorja Edlira Cufi kërkoi pafajësinë për mungesë provash. Pas shqyrtimit, gjykata e Shkodrës u bind dhe më pas dha pafajësinë për te tre këta shtetas.
Ish-boksieri u arrestua pasi dyshohej se ishte i përfshirë në organizatën kriminale “Bajri” dhe për “Grup të strukturuar kriminal”, ndërsa ish-trajneri i Kombëtare së Femrave Armir Grima ishte në hetim për trukim ndeshjesh.