NGA ZONJA VJOLLCA
Përbërësit

500 gr miell misri
Pluhur pjekës, kripë
250 ml ujë i nxehtë
1 gotë kos
150 gr djath
150 ml vaj ulliri
5 qepë të njoma
500 gr spinaq
2 kokrra vezë
Pergatitja
Në një tas të madh përziejmë miellin e misrit me pak kripë dhe me pluhurin pjekës.

Hapim një gropë në mes të miellit dhe shtojmë në të 1 gotë të madhe me ujë të nxehtë, kosin dhe vajin e ullirit. I përziejmë së bashku duke shtuar më pas qepët e njoma, kryesisht bishtat dhe spinaqin e kulluar mirë. I përziejmë së bashku duke shtuar në fund dhe 2 kokrra vezë.

Masën e përgatitur e vendosim në një tepsi, e nivelojmë mirë dhe e vendosim të piqet në furrë në temperaturën 220 gradë Celsius për 30-40 minuta.

(da.xha/BalkanWeb)