Lara Trump, bashkëshortja e Eric Trump, tha të shtunën se kishte tërhequr emrin e saj nga lista e kandidatëve që po shqyrtohen për të zëvendësuar senatorin amerikan në largim, Marco Rubio.

Rubio është përzgjedhur nga Donald Trump për të shërbyer si Sekretar Shteti. Guvernatori i Floridës, Ron DeSantis, do të zgjedhë një zëvendësues për Rubio, i cili pritet të japë dorëheqjen si senator kur Trump të marrë detyrën më 20 janar.

Kishte spekulime se Lara Trump, e cila shërbeu si bashkëkryetare e Komitetit Kombëtar Republikan në krye të zgjedhjeve të vitit 2024, do të pasonte Rubion në Senat.

Megjithatë, në një postim në X, ajo tha se kishte vendosur të tërhiqej nga propozimi.

“Nuk mund të isha më e nderuar se të shërbeja si bashkëkryetare e RNC-së gjatë zgjedhjeve më të rëndësishme të jetës sonë dhe jam vërtet e përulur nga mbështetja e pabesueshme që më është treguar nga njerëzit e vendit tonë, dhe këtu në vendin e madh, shtetin e Floridës”, tha ajo.

Lara Trump është e martuar me Eric Trump, djalin e Donald Trump.

Lara Trump shtoi se ajo kishte një “njoftim të madh” për të ndarë në janar, por nuk dha detaje. Ajo tha se mbetet e apasionuar pas shërbimit publik dhe mezi pret t’a bëjë këtë në të ardhmen.

Guvernatori DeSantis tha muajin e kaluar se një përzgjedhje ka të ngjarë të bëhet deri në fillim të janarit.