Federico Chiesa është një nga yjet e rinj të futbollit italian. Sulmuesi i Fiorentinës ka hyrë në orbitën e klubeve më të mëdhenj të Serie A, duke ndezur një garë të fortë mes Juventus dhe Inter. Largimi i tij nga skuadra e Firenze është çështje kohe dhe konfirmimi për këtë vjen nga përplasja mes lojtarit dhe klubit.
Ai nuk pranon të rinovojë kontratën, ndërsa mungoi edhe në ndeshjen e javës së fundit. Më në fund, palët janë pranë një marrëveshjeje, por me një kusht nga ana e Fiorentinës. Lojtari mund të largohet, por jo tek Juventus. Këtë kusht ka vendosur klubi vjollcë dhe sipas mediave italiane është pranuar nga Federico Chiesa.
(balkanweb)