Liverpool po zhvillon një sezon spektakolar deri më tani, nën drejtimin e Arne Slot, “The Reds” po kryesojnë bindshëm në Premier League dhe në Champions. Por nëse mund t’i gjesh një aspekt negativ kësaj skuadre ai është padyshim Federico Chiesa.

Ish sulmuesi i Juventusit u ble me shumë bujë, verën e shkuar por pak nga dëmtimi e pak nga zgjedhjet taktike të teknikut holandez, italiani vijon të qëndrojë jashtë fushës së blertë. Chiesa ka nisur stërvitjet me shokët e tjerë të skuadrës, ndaj mendohet se në javët në vijim ai mund të bëhet pjesë pse jo edhe e formacionit të Slot, megjithatë deri më tani Chiesa vijon të mos jetë pjesë e ekipit, e nëse situata nuk do të ndryshojë, për Liverpool ky mund të konsiderohet si dështimi I pare këtë sezon.