Kreu i Grupit Parlamentar të Partisë Socialiste, Taulant Balla ka reaguar sot pas deklaratave të bëra nga kryedemokrati Lulzim Basha se hetimet e Prokurorisë për lobimin në SHBA kanë nisur që para një viti e gjysmë me kërkesë të PD.
Sipas Ballës, Basha gënjen dhe i kujton hetimet e FBI dhe DASH për këtë çështje por edhe një kallëzim të bërë nga vetë Balla.
STATUSI I PLOTË
Ju që i shkoni pas një njeriu si ky, i vetmi që gënjen edhe tek pragu i derës së Prokurorisë, si mund t’ia lejoni vetes t’ju tërheqë për hunde një matrioshkë si Lulzim Basha! Me lehtësinë e genjeshtarit profesionist ai thotë që hetimi për financimet e PD ka nisur me kërkesë të PD një vit e gjysëm më parë!!!
Po ai kallzimi im ndaj tij për këtë çështje pse u bë? Po FBI dhe Departmentit Amerikan të Drejtësisë, ky i’a ka kerkuar hetimin për veten? Po autoriteteve skoceze mos ua ka kërkuar Lulzimi të kryejnë hetimet për gati 1 milionë dollarë të padeklaruara, që i dolën në Amerikë si para ruse?
O ju njerez që ju sjellë verdallë Lulzimi, thirrini mendjes e mos u beni kukulla të kësaj matrioshke gënjeshtare!
(m.a/BalkanWeb)
