Milano dhe Kortina d’Ampezo do të jenë dy qytetet mikpritëse të Lojërave Olimpike dhe Paraolimpike Dimërore, më 2026.


Komiteti Olimpik Ndërkombëtar votoi për ofertën e dy qyteteve italiane, përballë asaj të kryeqytetit suedez, Stokholmit.


“Urime Milanos dhe Kortinas. Presim të kemi Lojëra të jashtëzakonshme në një vend tradicional të sporteve dimërore”, tha presidenti i Komitetit Olimpik Ndërkombëtar, Thomas Bach.


Përveç Milanos dhe Kortinas, disa gara sportive do të zhvillohen edhe në Alpet italiane, përfshirë Bormion dhe Livignon. Kortina ka qenë mikpritëse e Olimpiadës Dimërore edhe në vitin 1956.

Në garë për organizimin e Lojërave më 2026 kanë qenë edhe katër qytete tjera: Sion i Zvicrës, Saporo i Japonisë, Graci i Austrisë dhe Kalgari i Kanadasë, por ato janë skualifikuar më herët.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb