Me anë të një njoftimi publikuar në llogarinë zyrtare të “facebook”, klubi i Tiranës ka reaguar zyrtarisht në lidhje me dhunën pas ndeshjes së fundit që skuadra bardheblu luajti në “Selman Stërmasi” kundër Laçit. Klubi bardheblu i kryeqytetit pretendon se lojtarët e tij u provokuan dhe u dhunuan. Duke qëndruar në atë që shkruhet në njoftimin për mediat, KF Tirana bën me dije se i ka vënë në dispozicion policisë pamjet filmike, si dhe i është drejtuar zyrtarisht FIFA-s dhe UEFA-s.

Tirana555
Tirana555

DEKLARATA E PLOTE
Klubi i Futbollit Tirana denon ashper ngjarjet e ndodhura dje ne stadiumin “Selman Stermasi”. Lojtaret e Tiranes u provokuan dhe u dhunuan. Klubi i ka vene ne dispozicion te Policise se Tiranes pamjet filmike per gjithcka ka ndodhur ne perfundim te ndeshjes Tirana – Laçi dhe pret zbardhjen e ngjarjes si dhe pasojat ligjore. Denoncimet publike ne kete vend, thuajse gjithmone kane rene ne vesh te shurdhet per te mos sjelle ndryshim. Per kete dhe te tjera arsye, zgjedhim te mos flasim gjate por te veprojme. Dy jave me pare, gjyqtari Olsi Sokoli vodhi turpshen skuadren ne fushe ndaj Kastriotit dhe klubi ka hapur nje ceshtje ndaj tij ne FIFA, ne sektorin e Luftes kunder Racizmit, ne mungese te nje pergjigje nga Federata Shqiptare e Futbollit. Dje skuadra u vodh ne fushe, ne nje ndeshje qe mund te luhej deri ne te gdhire sipas kryesorit Kridens Meta dhe me pas u provokua dhe u godit turpshem. Pamjet filmike jane depozituar ne Policine e Tiranes. Ngjarjet e dy javeve te fundit do te relatohen gjithashtu ne UEFA dhe FIFA.
(balkanweb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: