Aeroporti Heathrow në Londër, i njohur si aeroporti më i ngarkuar në Evropë në Londër ka rihapur fluturimet, duke i dhënë përparësi fluturimeve hyrëse të cilat u bllokuan sot për disa orë si pasojë e zjarrit që ra në një nënstacion elektrik aty pranë.

Avioni i British Airways ishte i pari që u ul në aeroport, rreth orës 18.00 me orën lokale. Shefi i aeroportit Heathrow, u kërkoi falje të premten pasagjerëve për ndërprerjen e fluturimeve.

Në një deklaratë për mediat, ai tha se nuk ishte një zjarr i vogël.

“Ne kemi humbur fuqinë e barabartë me atë të një qyteti të mesëm dhe sistemet tona rezervë kanë funksionuar siç duhet, por ato nuk janë të përmasave për të drejtuar të gjithë aeroportin,” tha Thomas Woldbye në një deklaratë të premten.

Më tej ai shtoi se do ti jepet përparësi fluturimeve hyrëse që kanë mbetur të bllokuara në Evropë, në mënyrë që të mund të marrim sa më shumë pasagjerë në vend sa të jetë e mundur.

Pas kësaj, disa fluturime do të nisen gjatë mbrëmjes, dhe kjo është gati,” shtoi Woldbye. Ai është pyetur se kush do t’i paguajë shpenzimet e fluturimeve duke shtuar se aeroporti nuk ka “detyrime” për incidente si ajo që ndodhi sot.

Kreu i Aeroportit Heathrow tha se ai parashikon që aeroporti të funksionojë plotësisht deri nesër në mëngjes.

“Nesër në mëngjes, ne presim të kthehemi në funksionim të plotë, kështu që 100% funksionim si një ditë normale,” tha të premten Thomas Woldbye, shefi ekzekutiv i Heathrow.

I pyetur nëse pasagjerët që do të fluturojnë nesër duhet të rregullojnë planet e tyre të udhëtimit, CEO tha se ata duhet të vazhdojnë normalisht.

“Nuk ka asnjë arsye për të ardhur më herët. Ata duhet të vinin në aeroport pasi kishin planifikuar të bënin ndryshe,” tha Woldbye.

(Balkan Web)