TIRANE
Pas bashkëpunimeve me këngëtarët shqiptarë, Luana Vjollca dëshiron të depërtojë edhe në tregun ndërkombëtar. Kënga e saj e re do të jetë në bashkëpunim me artistin me famë botërore, Faydee.
Kënga duket se është gati pasi Luana dhe Faydee kanë nisur xhirimet e klipit prej disa ditësh në Prishtinë dhe në Vlorë. Ndërkohë që deri tani nuk ishte zyrtarizuar, Luana ka konfirmuar bashkëpunimin me këngëtarin Australian pasi ditën e djeshme ajo postoi një video së bashku me të në Instagram.
Luana na prezantoi Faydeen meqë nuk ishte më një sekret bashkëpunimi i tyre dhe e quajti atë artist të mrekullueshëm. Këngëtari paska avancuar sepse Luana i ka mësuar disa fjalë “magjike” shqipe si: “Faleminderit, të dua shumë”, por, gjithashtu, shprehu dhe admirimin për fansat shqiptarë. “Ato më thonë ‘të dua shumë’ gjatë gjithë kohës”, dëgjohet të thotë ai duke qeshur për vajzat shqiptare.
(BalkanWeb)