Grupi palestinez Hamas njoftoi rifillimin e negociatave indirekte me Izraelin në kryeqytetin e Katarit, Doha, me fokus armëpushimin në Gaza, tërheqjen e ushtrisë izraelite nga Gaza dhe kthimin e njerëzve të zhvendosur.

Në një konferencë për media, Basem Naim, një udhëheqës i lartë politik i Hamasit, përsëriti seriozitetin e grupit dhe përpjekjen për të arritur një marrëveshje armëpushimi sa më shpejt të jetë e mundur.

“Përfundimi i agresionit dhe mbrojtja e palestinezëve në mes të gjenocidit të vazhdueshëm dhe spastrimit etnik nga Izraeli do të kryesojë agjendën e negociatave”, theksoi Naim.
Përpjekjet ndërmjetësuese të udhëhequra nga SHBA, Egjipti dhe Katari për të arritur një armëpushim në Gaza deri më tani kanë dështuar për shkak të refuzimit të kryeministrit izraelit Benjamin Netanyahu për të ndalur luftën.

Aktualisht Izraeli mban mbi 10.300 të burgosur palestinezë, ndërsa Hamasi thuhet se mban rreth 100 robër izraelitë në Gaza.