Një shpërthim tritoli është dëgjuar pak çaste më parë në qytetin e Lushnjes në banesën e Berti Taullaut. Sipas të dhënave të policisë në banesë fatmirësisht nuk ka patur njeri në momentin e shpërthimit.
Berti Taullau është vëllai i Saimir Taullaut, të cilit në vitin 2018 iu bën dy atentate nga të cilat ai mori vetëm disa dëmtime të lehta. Saimir Taullau është një biznesmen i fuqishëm në qytetin e Lushnjes, ndërkohë që aktivitetin e tij tregtar e ka zgjeruar dhe në vendet fqinje si Itali e Greqi.
Familja Taullau është përfshirë në një konflikt me grupin e Aldo Bares, ku është vrarë dhe vëllai i Saimirit, Baki Taullau.
Deklarata e policisë
Lushnje
Informacion paraprak
Në lagjen “Loni Dhamo”, Lushnje, në oborrin e pasëm të banesës së shtetasit A.T dyshohet se ka shpërthyer një sasi e vogël lëndë plasëse.
Aktualisht në banesë nuk banon njeri.
Grupi hetimor po punon për zbardhjen e plotë të kësaj ngjarje.
BalkanWeb