Presidenti francez Emmanuel Macron ka folur për ndryshimin surprizë në shfaqjen hit të Netflix Emily në Paris, që do të kalojë në Romë, duke thënë se vendi “do të luftojë fort” për të mbajtur shfaqjen nga zhvendosja në Romë.

“Ne do t’u kërkojmë atyre të qëndrojnë në Paris, Emily në Paris në Romë nuk ka kuptim,” tha Macron për Variety Magazine.

Shfaqja, e cila ndjek aventurat e ekzekutivit amerikan të marketingut Emily Cooper (e luajtur nga Lily Collins), është bërë një nga programet më të ndjekura të Netflix.

Një studim nga qendra kombëtare e filmit të Francës në janar zbuloi se gati 10 për qind e turistëve vendosën të vizitonin vendin pasi kishin parë një film apo serial, ku Emily në Paris luante një rol kyç në frymëzimin e këtyre udhëtimeve.

Krijuesi i shfaqjes, Darren Star, konfirmoi lëvizjen e Emily në Romë.

Roberto Gualtieri, kryebashkiaku i qytetit, pati një përgjigje ndaj komenteve të presidentit francez.

Ai shkroi në X, “I dashur Emmanuel Macron, mos u shqetëso: Emily po ia del shumë në Romë. Dhe njeriu nuk mund ta kontrollojë zemrën: le ta lëmë të zgjedhë.”