Presidenti i Venezuelës Nicolas Maduro ka akuzuar manjatin e teknologjisë Elon Musk për “investuar” të paktën 1 miliard dollarë në nxitjen e dhunës në vendin e Amerikës së Jugut pas zgjedhjeve presidenciale në fillim të këtij viti.

Maduro u shpall fitues i zgjedhjeve të 28 korrikut nga autoritetet kombëtare zgjedhore, por SHBA u shpreh se fitorja i ishte vjedhur kandidatit të opozitës Edmundo Gonzalez.

Gjatë programit të tij javor televiziv të hënën, Maduro pretendoi se kishte njohuri të drejtpërdrejta se Musk – me të cilin ai ka qenë i angazhuar në një betejë publike të gjatë – kishte shpenzuar “jo më pak se 1 miliard dollarë” për “grushtin e shtetit në Venezuelë”.

Udhëheqësi venezuelian e quajti kundërshtaren e tij politike, biznesmenen Maria Corina Machado, si shpërndarëse të financimit të supozuar për grupet “fashiste” , duke pretenduar se qeveria amerikane ishte në fund të fundit pas përpjekjeve për ta rrëzuar atë nga pushteti.