NGA ZONJA VJOLLCA*
320 gr makarona
1 kokërr qepë
1-2 kokrra domate
100 gr mish i grirë
1 gotë qumësht
70 gr djathë kaçkavall
3 lugë gjelle ajkë
3 lugë gjelle vaj ulliri
½ gotë ujë
Kripë
Piper i zi
Në një tigan me pak vaj ulliri kaurdisim qepën. Sapo qepa të fillojë të zbutet shtojmë mishin e grirë. E gatuajmë kimën duke e rregulluar me kripë dhe piper të zi. Në një tigan me fund të gjerë vendosim makaronat të mbledhura si fole dhe mbushim mesin e tyre me kimë, duke vendosur nga një fetë domate si kapak. I pudrosim domatet me nga një lugë çaji djathë të grirë. Në një tas trazojmë qumështin me ajkën dhe me pak ujë. I trazojmë mirë duke shtuar dhe pak piper të zi dhe kripë dhe këtë masë e shtojmë në tiganin ku kemi vendosur makaronat. Vendosim kapakun dhe e lëmë në zjarr për 10-15 minuta. I servirim të ngrohta duke i pudrosur makaronat e mbushura me piper të zi të freskët.
(m.k/BalkanWeb)