DURRES
“Më njoftuan komshinjtë se kishin gjetur një bidon. Nuk e di nëse ishte vënë për mua apo për dike tjetër tritoli, sepse nuk kam konflikt me njeri”.
Kështu deklaroi Ani Dyrmishi, drejtori i Hekurudhave në Durrës për gazetaren e ‘News24’ e ‘BalkanWeb’ Klodjana Haxhiaj, ndërsa ka dhënë sqarime për pakon e dyshimte, me lëndë artizanale që u gjet sot afër makinës së tij. Ai tha se nuk kishte konflikte me askënd, duke shtuar se në Durrës lëviz gjatë gjithë kohës në këmbë.
“Më lajmëruan komshinjtë mëngjesin e sotëm se një bidon i zi gjendej poshtë makinës së tij. Fqinjët e kishin parë dhe me morën në telefon. Shkova e pashë bidonin e zi poshtë makine dhe lajmërova, bidoni ishte në tokë. Nuk e di nëse ishte vënë për mua apo për dike tjetër, sepse nuk kam konflikt me njeri. Unë lëviz në këmbë në gjithë Durrësin dhe nuk mendoj se jam unë objektivi”, tha Dyrmishi.
(ed.me/BalkanWeb)
