MALLAKASTER


Policia e Mallakastrës njofton se në bashkëpunim me banorët e zonës kanë mundur të gjejnë një çift italian, që kishte ardhur në këto zona për turizëm.


Sipas njoftimit policor, pas disa orësh kërkime, familja italiane u gjet dhe ajo aktualisht ndodhet në një prej shtëpive e cila mikpriti italianët.


Njoftimi i policisë:

Mallakastër

Policia e Mallakastrës dhe banorë të zonës së Rabijes u vijnë në ndihmë turistëve italian.

Një familje italiane të cilët kishin ardhur për turizëm në Shqipëri, duke eksploruar vendin tonë kanë humbur rrugën gjatë natës dhe kanë kërkuar ndihmën e policisë.

Shërbimet e Komisariatit të Policisë Mallakastër janë vënë në kërkim të turistëve dhe pas disa orë kërkimesh, turistët italian (burri, gruaja shtatzënë dhe 2 fëmijët) u gjetën në kushte të mira shëndetësore dhe momentalisht ndodhen në banesën e një banori të zonës i cili i mirëpriti ata në shtëpinë e tij.

Policia falenderon banorët e zonës për mikpritjen dhe ndihmën e dhënë në gjetjen e turistëve të huaj.

(d.xh/Balkanweb)