I paparashikueshëm për mbrojësit kur luante vetë, por edhe tani që futbollin e ndjek nga pankina. Diego Armando Maradona nuk do të ndryshojë kurrë. Pikërisht në stilin e tij është edhe supriza e radhës me protagonist legjendën e futbollit argjentinas. Vetëm dy ditë pasi njoftoi dorëheqjen si trajner i Gimnasia La Plata, “Pibe D’Or” ka ndryshuar sërish mëndje. “Jam shumë i lumtur t’iu bëj të ditur se do të vazhdoj të jem teknik i Gimnasia”, është postimi i Maradonës në rrjetët sociale.


Nintchdbpict000538679995 1
Nintchdbpict000538679995 1

Një kthesë e papritur, pasi vetëm 48 orë më parë, ai ishte shprehur se do të largohej nga detyra bashkë me presidentin e klubit që kishte vendosur të mos kandidonte sërish. Në të vërtetë, kështo do të ndodhte potë mos ishte për tifozët. Menjëherë, pasi bëri të ditur dorëheqjen, Maradona u “bombardua” me mijëra mesazhe nga tifozët e Gimnasia La Plata, që i kërkonin të qëndronte. Në fund, ai është bindur dhe të dielën do të jetë sërish në pankinë për ndeshjen në shtëpi kundër Arsenal Sarandi. Kjo është sfida e nëntë për Diego Armando Maradonën me Gimnasia, teksa në përballjet e mëparshme ka regjistruar pesë humbje dhe vetëm tre fitore.
(balkanweb)



Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb