Policia portugeze njoftoi sot se ka kapur rreth 2,5 tonë kokainë dhe arrestuar 11 persona në bordin e një anieje që mbante flamurin e Panamasë pranë brigjeve të Portugalisë.

Në një operacion të përbashkët mes marinës dhe forcave ajrore portugeze, 11 persona, të gjithë europianë, shumica e të cilëve nga Europa e Lindjes u arrestuan dhe u vendosën në paraburgim.

“Sasia e kokainës së kapur mund të ketë një vlerë tregu mes 100 dhe 125 milionë euro sipas tregut ku do të shitet”, theksoi para medias përgjegjësi i luftës kundër drogës në policinë gjyqësore portugeze, Artur Vaz.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb