Kur pak ditë më parë Kuvendi maqedonas miratoi marrëveshjen e Prespës, ditën e diel janë paralajmëruar protesta në Athinë.

Në këtë protestë në kryeqytetin helen do të hapet flamuri që u hap ditën kur u varros Konstandinos Katcifas, i cili mbeti i vrarë pak kohë më parë në Bularat të Gjirokastrës pas nëj shkëmbimi zjarri me forcat RENEA.

‘Protothema’ shkruan se pritet një pjesëmarrje e gjerë në këtë protestë, ndërsa fakti se i pranishëm do të jetë dhe flamuri i Katcifas është konfirmuar nga organizatorët e tubimit.

Amendamentet që u miratuan në 11 janar ishin pjesë e Marrëveshjes së emrit të firmosur në Prespë qershorin e kaluar midis Athinës dhe Shkupit. Sipas marreveshjes, emri Republika e Maqedonisë ndryshohet në Republika e Maqedonisë së Veriut.
(ed.me/BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: