SHBA
Stilisti i njohur Marc Jacobs u martua me të fejuarin e tij Charly ‘Char’ Defrancesco në një dasmë luksoze mbrëmjen e së shtunës në New York.
Në ceremoninë martesore veçantë, nuk munguan njerëz të shumtë nga bota e “Show biz”-it botëror, ku spikasnin modelet Kate Moss, Emily Ratajkowski, motrat Gigi dhe Bella Hadid, Rita Ora etj. Këngëtarja 28 vjeçare kishte të veshur një fustan me ngjyra të çelëta, të kombinuar me flokë kaçurrela, për këtë ngjarje të veçantë.
Edhe në rrjetet sociale të VIP-ave pjesëmarrës në dasmë, nuk munguan foto të shumta nga ceremonia e mbajtur në New York, ku Rita Ora dhe Emily Ratajkowski patën dedikim për çiftin.
(BalkanWeb)