SRI LANKE
Lideri i dyshuar i komplotit të bombës të së shtunës së Pashkëve të Sri Lankës është konfirmuar i vdekur, zbuloi Presidenti i vendit. Zahran Hashimi udhëhoqi sulmin kundër hotelit Shangri-La në Kolombo së bashku me Ilham Ibrahimin, birin e një tregtari të pasur të erëzave, tha Maithripala Sirisena.
Ai u shpreh se informacioni i tij erdhi nga inteligjenca ushtarake dhe ishte e bazuar pjesërisht nga filmimet e CCTV të zbuluara nga vendi i ngjarjes.
Hashimi u shfaq në një video të lëshuar nga grupi i Shtetit Islamik, pasi ata pretendonin shpërthimet, por vendndodhjet e tij pas shpërthimeve nuk ishin menjëherë të qarta. Më shumë se 250 persona u vranë nga sulmet e tre kishave dhe hoteleve. Një sulm i katërt i planifikuar në një hotel dështoi.
Hashimi ishte i njohur për autoritetet për fjalimet e postuara në internet në të cilat ai tha se Islami ishte feja e vetme e vërtetë dhe kërkoi që grupet e tjera fetare të “eliminoheshin”. Hashimi u pa në një video së bashku me shtatë njerëz të tjerë duke premtuar besnikëri ndaj ISIS dhe udhëheqësit të saj të fshehur Abu Bakr al-Baghdadi përpara sulmeve. Lajmet për vdekjen e tij erdhën pasi Sirisina tha se policia po kërkonte 140 njerëz që besonin se kishin lidhje me ISIS-in pas shpërthimeve, të cilat janë më vdekjeprurëse të kryera nga grupi.
Muslimanëve në Sri Lanka u kërkua të luteshin në shtëpi të premten dhe të mos merrnin pjesë në xhami apo kisha pasi Shërbimet e Inteligjencës Shtetërore paralajmëruan për sulme të mundshme të makinave me bomba, mes frikës së dhunës hakmarrëse.
(BalkanWeb)
